Восеньскі potluck

 Бульба выкапана,  памідоры закатаныя ў слоікі,  кабачкі ўсе прыстроеныя, і засталася толькі  гара яблыкаў на кампоты, варэнне і шарлоткі. Апошнім агуркам радуешся як самым першым на пачатку лета… Але не час расслабляцца: пачынаюцца  грыбы! Такой мы памятаем раннюю восень у Беларусі.

 Хочаце разам паўспамінаць і пазнаёміцца з новымі сябрамі? Тады запрашаем вас на нашу цёплую сустрэчу!

 Наша сустрэча будзе ў фармаце “складанкі”: кожны ўдзельнік прыносіць свой прысмак, каб падзяліцца з усімі і стварыць разам сапраўднае беларускае застолле.

Што трэба ведаць:

 Прыносьце свае фірмовыя аладкі, бліны, запяканкі, варэнне з кабачкоў, пірагі ды піражкі, пханую каўбасу, і іншыя хатнія прысмакі.
 Не забудзьцеся ўзяць пледы для ўтульнасці.
 Калі маеце гітару – бярыце з сабой, разам паспяваем!
 Таксама спатрэбяцца дровы ці вугаль для мангала–можна зладзіць барбекю.
Прыносьце агародніну, садавіну, расліны для ўпрыгожвання стала!

P.S. Вас чакае абрад “Багач”, дзіцячы восеньскі крафт і традыцыйныя гульні ад Юліі.

 Давайце разам створым самую добрую і ўтульную сустрэчу, поўную беларускіх традыцый і смакаў!
Чакаем усіх!